Samsýn hefur verið valið á lista framúrskarandi fyrirtækja 2016 og telst því meðal þeirra fyrirtækja sem efla íslenskt efnahagslíf. Alls uppfylla 1,7% fyrirtækja ströng skilyrði Creditinfo um fjárhagslegan styrk og stöðugleika, eða 624 fyrirtæki. Við úttekt á fyrirtækjunum er litið til þriggja ára tímabils og þurfa skilyrðin að vera uppfyllt öll árin. Samsýn hefur náð þeim árangri að vera á listanum síðastliðin fjögur ár. Við erum stolt að teljast til þessa hóps framúrskarandi fyrirtækja á Íslandi. Þetta er um leið viðurkenning til starfsmanna um góðan árangur. Nánar um framúrskarandi fyrirtæki.

Aðalfundur ArcÍs verður haldinn föstudaginn 27. janúar og hefst hann stundvíslega kl. 17:00. Að þessu sinni verður hann haldinn hjá Landbúnaðarháskólanum Keldnaholti, Árleyni 22, 112 Reykjavík. Dagskrá: Hefðbundin aðalfundarstörf. Kynning frá Samsýn. Kynning á verkefnum Landbúnaðarháskólans með Esri hugbúnað. Léttar veitingar verða í boði að loknum fundi. Skráning Skráðu þig með að smella hér. Allir Velkomnir! ArcÍS er félagsskapur ArcGIS notenda og allra þeirra sem áhuga hafa á landupplýsingum.