VERKEFNI

kortagerð, vefsjár og fleira

EYJAFJALLAJÖKULL

Eyjafjallajökull1 Um árabil hefur Samsýn tekið loftmyndir hér á landi. Undir lok árs 2010 afhenti Samsýn Landmælingum Íslands fyrir hönd íslenska ríkisins, loftmyndir og landlíkön af Eyjafjallajökli og Markarfljóti.

Þar sem mikill áhugi var fyrir myndatökunni taldi Samsýn réttast að semja um alhliða notkunarrétt myndanna fyrir íslenska ríkið með sem minnstum takmörkunum. Landmælingar Íslands eru vörslu- og dreifingaraðili gagnanna fyrir hönd ríkisins. Opinberir aðilar og fyrirtæki mega nota gögnin að vild í sinni vinnu.

Samningur um svo víðtæk not loftmynda og landupplýsinga er nýmæli hér á landi.

Rauntímakort Strætó bs.

StrætóRaun Með nýju rauntímakorti á vef Strætó bs. er nú hægt að fylgjast með ferðum strætisvagna í rauntíma. Strætófarþegar geta með hjálp nýjustu tækni séð hvar vagninn sem þeir ætla að taka sér far með er staddur á hverjum tíma.
GPS-búnaður sem er um borð í öllum vögnum gerir farþegum kleift að fylgjast með ferðum vagnanna hér á vefnum. Staðsetning vagnanna er uppfærð á u.þ.b. 15 sekúndna fresti, svo nákvæmnin er mikil.
Því til viðbótar er unnið að nýrri útgáfu Leiðarvísis á vef Strætó og munu rauntímaupplýsingar einnig verða aðgengilegar þar á næstu mánuðum. Samfara því er ráðgert að bjóða upp á viðbætur (apps) fyrir flestar gerðir snjallsíma sem gerir viðskiptavinum kleift að fylgjast með ferðum vagnanna í farsímanum.

Við óskum Strætó bs. til hamingju með rauntímakortin. Samsýn kom að verkefninu frá upphafi.

LEIÐSÖGUKORT FYRIR GOLF

GPSgólf Þróun korta fyrir leiðsögutæki heldur áfram. Um síðustu áramót, 2011, kom út ný útgáfa af Samsýnarkorti fyrir GPS leiðsögutæki, í þetta sinn fyrir sérstök Golf GPS-tæki. Samsýn þróaði kortin í tækin fyrir helstu golfvelli landsins.

Golfkortin verða til sölu í Garmin Búðinni, Ögurhvarfi 2, Kópavogi

Sjá nánari upplýsingar hér

ArcGIS 3D Analyst, E-15

ArcGIS3D Á notendaráðstefnu Esri í San Diego, s.l. sumar flutti Victor Kr. Helgason hjá Landsvirkjun erindi um notkun sína á ArcGIS. Erindið er byggt á rannsókn sem hann ásamt Ingibjörgu Jónsdóttur í Háskóla Íslands og fleirum gerðu á dreifingu öskufalls úr Eyjafjallajökli. Megininntak verkefnisins var að reyna að meta samband mældrar öskuþykktar á jörðu niðri við upplýsingar sem fengust úr gervitunglamyndum. Mælingar á jörðu niðri voru framkvæmdar af vísindamönnum, bændum og almenningi og út frá þeim reynt að meta þykkt og staðsetningu ösku. Með hjálp ArcGIS 3D Analyst var svo búið til líkan af þykkt og dreifingu öskunnar og reynt að bera saman við stefnu og hæð ösku eins og hún var metin út frá gervitunglamyndum. Meginmarkmiðið er að geta í framtíðinni spáð betur fyrir um öskufall og dreifingu ösku um lofthjúpinn, sem næst í rauntíma.

Erindi Victors má sjá hér Eyjafjallajokull.pdf

VEFKORT - göngum í skólann

Samsýn hefur útbúið vefkortalausn fyrir skóla þar sem skólabörn geta merkt inn hvernig þau komu í skólann. Hægt er að velja um nokkra möguleika svo sem gangandi, í bíl, á hjóli, strætó eða annað. Einnig geta nemendur merkt inn þá staði þar sem þeim finnst þeir ekki öruggir á einhvern hátt svo sem vegna mikillar bílaumferðar, erfitt að sjá bíla, enginn göngustígur o.s.frv..

Útfrá þessum upplýsingum er hægt á auðveldan máta að átta sig á hvort einhverra úrbóta sé þörf til að hvetja nemendur til að koma gangandi eða hjólandi í skólann. Átakið er hluti af verkefninu "Virkar og öruggar leiðir í skólann" sem nýtur meðal annars stuðnings Go for Green.
Verkefnið var unnið í samstarfi við Reykjavíkurborg.

FERILVÖKTUN VINNUTÆKJA

Reykjavíkurborg og Vegagerðin hafa um árabil notað SiteWatch ferilvöktunarkerfið fyrir eftirlit og uppgjör á vetrarþjónustu vega og gatna. Með SiteWatch fást rauntímaupplýsingar um framgang snjóruðnings og hálkueyðingar ásamt nákvæmri mælingu á unnum klukkustundum og kílómetrum, sundurliðað á vegi og vegkafla.

Rafrænt eftirlit vetrarþjónustu með SiteWatch hefur sparað háar fjárhæðir í eftirliti og eins hefur það leitt af sér nákvæmara og réttara uppgjör verka.

Reykjavíkurborg er nú að innleiða sama kerfi fyrir eftirlit með sópun gatna og stíga.

Viðskiptavinir