Nýtt Íslandskort 2024

Nýtt Íslandskort í Garmin GPS tæki er komið út.

Landakortið er meðal annars með leiðsöguhæfum vegakortum fyrir allt landið götum bæjarfélaga og hæðarlínum, sem eru vinsælar meðal útivistarfólks.

Helstu gögn hafa verið uppfærð og yfirfarin í kortagrunninum, svo sem fyrir útivist og vegaleiðsögn í bæjum, á þjóðvegum og fjallvegum. Einnig er að finna upplýsingar um yfir 5 þúsund áhugaverða staði eða þjónustu (POI).

Gögnin eru fengin úr ýmsum áttum og eru flest líka notuð í öðrum kortum sem Samsýn býður upp á.

Íslandskortið nýtist öllum Garmin notendum og er hægt að kaupa það nýtt eða sem ódýrari uppfærslu frá útgáfu 2022. Hægt að setja kort upp í eitt GPS tæki en hins vegar er hægt að setja það í nokkrar tölvur.

Leiðbeiningar um skráningu og uppsetningu er hægt að nálgast á heimasíðu www.garmin.is/kort